Kapiteni i Tiranës, Idriz Batha, doli sot në konferencën për shtyp në krah të trajnerit Emanuel Egbo, ku foli për sfidën ndaj Crvena Zvezdës, që do të luhet ditën e nesërme në “Air Albania”:
“Nuk e shikoj fare si luftë politike, apo diçka raciste. Për ne është thjesht një ndeshje futbolli. I vlerësojmë shumë si ekip. Kanë bërë historinë e vetë dhe dihet se kush janë. Do përpiqemi ta shijojmë ndeshjen në maksimum dhe të japim maksimumin tonë.
Shpresojmë për një rezultat pozitivë. Jemi inferiorë nga të gjithë vlerësimet që janë bërë. Në 90 minuta futbolli ka treguar që mund të ndodhë gjithçka”…
