Atletico Madrid po përgatitet për sfidën e ditës së enjte ndaj Leipzig, teksa “colchoneros” arritën që të kalojnë Liverpool që mban kurorën e Champions League.
“Final Eight” do të zhvillohet në stadiumin e Benfica, aty ku Joao Felix është rritur dhe ku ka kujtime të paharrueshme, të cilat për “Marca” i rrëfen:
“Atletico ishte shumë afër fitimit të Champions League pak vite më parë. Duhet të tregohemi të kujdesshëm, shumë të kujdesshëm. Është një ndjesi e veçantë të luaj në “Estadio da Luz”, si portugez që jam dhe prej faktit që kam qenë pjesë e Benfica.
Në këtë stadium kam shënuar golin tim të parë si profesionist. Frymëzimi im? Antoine Griezmann. Ai ka bërë gjëra të mëdha. Më frymëzon ajo që ka arritur me Atletico Madrid. Ai ka shkruar historinë këtu dhe do të gëzohesha po të bëja të njëjtën gjë“.
