Luis Alberto është një ndër lojtarët më të mirë, por njëkohësisht dhe më të nënvlerësuar në Itali.
29-vjeçari po përballet me stolin që pas ardhjes së Mauricio Sarrit që nuk e preferon si titullar. Mbrëmjen e djeshme në sfidën ndaj Marsejës në Ligën e Europës, Luis Alberto nu u zgjodh si titullar, teksa pas ndeshjes, Sarri u shpreh se ‘’Luis Alberto dhe Milinkoviç Saviç nuk mund të luajnë bashkë për momentin’’.
Por spanjolli nuk është i këtij mendimi dhe ka pëlqyer një postim në ‘Twitter’’ i cili del kundër Sarrit ku shkruhet: ‘’Ti mendon më mirë se Inzagi që i bëri të luajnë bashkë dhe të fitonin për pesë vite… lojtarët e fortë duhet të luajnë bashkë ose nuk jeni trajneri i madh i dashur Sarri’’.
Kaq ka mjaftuar që në Itali të plasin polemikat pasi Luis Alberto ka dalë qartë kundër ideve të trajnerit duke mos rënë dakord me lënien në stol.
