Ndeshja e Champions League kundër PSG-së, duket se ka qenë e fundit për futbollistin e Atalanta-s, Hans Hateboer.
Këtë e ka konfirmuar vetë holandezi për Voetbal International:
“Jam 26 vjeç dhe për një futbollist kohëzgjatja e karrierës është e limituar, tani është një moment i mirë për të hedhur hapin tjetër”.
“Tek Atalanta kemi arritur rezultate të jashtëzakonshëm në këto tre vite, por besoj se është e vështirë të përmirësohemi akoma”.
“Karriera e një futbollisti është e shkurtër dhe unë kam dëshirë të provoj një eksperiencë të re: cikli im te Bergamo ka mbaruar”.
“Zgjedhja ime është personale, dua një eksperiencë të re dhe të zbuloj mundësi të re. Ky është një moment i mirë për një eksperiencë të re”, ka përfunduar Hateboer.
