Na ndodh të gjithëve të lexojmë një lajm dhe ta marrim për të vërtetë, për të zbuluar më pas se nuk ishte i tillë.
Kjo i ka ndodhur edhe gazetares së Rai-t, Paola Ferrari, që natën e djeshme ka publikuar në Twitter një lajm të rremë në lidhje me një rikthim të Juventus-it në Champions League, pas infektimit me Covid-19 të dy lojtarëve të Atletico Madrid, që mund të kishte detyruar skuadrën spanjolle të tërhiqej nga kompeticioni.
Komenti i saj “Boom” lë të kuptohet se, të paktën në një moment të parë, ajo e ka marrë për të vërtetë lajmin.
Vetëm më pas gazetarja ka korrigjuar veten, duke thënë se do t’i kishte pëlqyer të ishte kështu. Si një shpresë që informacioni të ishte i vërtetë.
Mes gafës dhe “shpresës”, interneti nuk e ka falur…
