Lionel Messi larg Barcelonas! Ajo që mund të mendohej dhe parashikohej as në makthet më të errëta të gjumit, po ndodh… Por, cila do të jetë e ardhmja e numrit “10” argjentinas. Sipas lajmit sensacional nga ESPN në Brazil, para se të kërkonte përfundimin e kontratës me Barcelonan përmes Burofax, “La Pulce” i ka telefonuar mikut të tij Neymar duke i kërkuar brazilianit nëse do të ishte dakord të shkonin së bashku për të luajtur te Manchester City. “Na pret Guardiola…” thuhet ti ketë thënë numri “10” yllit brazilian të PSG! Por, jemi ende te fantazia dhe te hipotezat
Një revolucion i bujshëm në tregun e transferimeve i cili është pasuruar kështu nga lajmet e reja të raportuara nga Jorge Nicola. Manchester City është klubi favorit për goditjen e shekullit. Në fakt, nëse largimi i Lionel Messit nga Barcelona do të ishte zyrtar, anglezët do të konsideronin mundësinë për t’i ofruar argjentinasit një kontratë afatgjatë, e cila do ta shihte atë të transferohej te New York City (satelit i familjes nga Etihadi) pas 3 vjetësh në Premier League.
