Skuadra e Teutës ka rezultuar e gjitha negativ pas testeve të bëra për Koronavirus. Ky lajm i mirë vjen pas testeve të kryera nga lojtarët, stafi teknik dhe pjestarët e delegacionit që do të jenë të pranishëm për ndeshjen me Beitar në Europa Ligë.
Një lehtësim ky për skuadrën durrsake, që do të rikthehet në fundjavë në Durrës për ndeshen e raundit të parë kualifikues në Europa Ligë, më 27 gusht ndaj izraelitëve të Beitar Jeruzalem në 16:30.
Tani trajneri Martini do të fillojë të përgatisë ndeshjen e Ligës së Europës, ku do të tentohet kualifikimi.
Njoftimi i klubit:
KF Teuta ka marrë përgjigjet e tamponëve të kryer ditën e martë për Covid-19. Të gjithë futbollistët dhe stafi teknik kanë rezultuar negativ. Skuadra do të kthehet në Durrës të dielën nga Puka, ku po përgatitet për ndeshjen e UEFA Europa League kundër Beitar Jerusalem FC, që do të zhvillohet të enjten dt, 27.08.2020 në orën 16:30 në stadiumin “Niko Dovana”.
