Filipe Kutinjo do të rikthehet nga huazimi me Bajernin dhe ka shumë shanse që të vazhdojë të qëndrojë te Barcelona. Për brazilianin nuk ka oferta më të larta se 80 milionë euro dhe katalanasit nuk kanë ndërmend që ta largojnë për një vlerë më të ulët.
Kutinjo shkëlqeu në ndeshjen e fundit në Champions duke shënuar 2 gola në portën e Barcelonës dhe ka shanse që të fitojë Ligën e Kampionëve me Bajernin.
Gjatë këtyre ditëve ka pasur një debat nëse Barcelona duhet të paguajë 5 milionë euro bonuse te Liverpuli. Në Angli janë të sigurt se duhet t’i paguajë, ndërsa nga Barcelona bëjnë me dije se bonusi është vetëm për fitoren e Champions-it me Barçën.
