Kristiano Ronaldo dhe Xhorxhina Rodrigez kanë nxitur thashethemet se janë fejuar.
Spekulimet nisën pasi çifti publikuan një foto të përbashkët në rrjetet sociale.
“Pooo”- shkroi partnerja e yllit të futbollit në përshkrimin e fotos, duke lënë të nënkuptohet se kishte pranuar propozimin e tij për martesë.
Më pas publikoi një tjetër foto, por këtë herë vetëm dhe mbante në dorë një trëndafil të kuq dhe në gishtin e fejesës ra në sy një unazë gjigande. Sipas thashetheme, kjo është unaza me të cilën portugezi i propozoi për martesë partneres së tij.
Xhorxhina Rodrigez dukej mjaft sensuale e veshur me një fustan të kuq, që vendoste në pah format e saj bombastike trupore.
Ndërsa CR7 mbante veshur një këmishë të Louis Vuitton dhe pantallona fildishi.
Çifti janë prindër të një vajze 2-vjeçare, Alana Martina. Ndërkohë Cristiano Ronaldo ka edhe tre fëmijë të tjerë Cristiano Ronaldo Jr, 10 vjeç dhe binjakët e tij Eva dhe Mateo, 3 vjeç.
Edhe pse nuk është nëna e tyre biologjike, Xhorxhina Rodriguez ka qenë një mama shembullore për ta.
Në fotot dhe videot e publikuara në rrjetet sociale, ajo ka treguar se është shumë e përkushtuar ndaj tyre dhe kujdeset shumë për ta.