Mesfushori i Interit, Stefano Sensi ka vendosur të kurorezojë lidhjen e tij me modelen Xhulia Amodio, të cilët kanë planifikuar të martohen muajin tjetër.
Lajmin e ka bërë vet të ditur modelja italiane e cila në rrjetin social “Instagram”, shkruan se do të jetë një periudhë ankthi dhe stresi për çiftin, por që më pas në fund do të shpërblehet gjithçka.
“Në një muaj e 8 ditë do të kemi ankth, panik, e kështu me radhë … Nëse mendoj për atë moment, më në fund do të ndihem e shpërblyer nga e gjithë kjo periudhë e rëndë që duket se nuk ka fund”, shkruan modelja.
Një lajm mjaft i mirë ky për mesfushorin italian, i cili në fushën e lojës nuk po kalon një moment aspak pozitiv, pas dëmtimeve të shumta që e detyruan të humbi rolin e titullarit me zikaltrit.
