Uolverhempton do mund të regjistrojë vetëm 23 lojtarë nëse kualifikohen në Ligën e Kampionëve sezonin tjetër, pasi thyen rregullin e “Fair Play Financiar”. Uolverhempton mposhti Olimpiakosin për të kaluar në fazën tjetër të Europa Ligës.
Është hera e parë në 48 vite që Uolverhempton arrin çerekfinalet e një kompeticioni europian. Fitimi i Europa Ligës do i siguronte klubit anglez pjesëmarrjen në Champions sezonin tjetër. Gjithsesi edhe nëse arrijnë të sigurojnë një vend në Champions për sezonin tjetër, do mund të regjistrojnë vetëm 23 nga 25 lojtarë që lejohen.
UEFA konfirmoi ndëshkimin për Uolverhempton, pasi këta të fundit kanë thyer rregullat e “Fair Play Financiar”, pasi kanë shpenzuar më shumë se çfarë kanë deklaruar fitim.
