Tirana do të afrojë edhe tre lojtarë të tjerë. Bëhet fjalë për disa lojtarë të huaj, nga Gana. Futbollistët kanë arritur marrëveshjen, ndërsa ata po presin vizat shqiptare. Prej disa ditësh pasaportat e tyre janë në Ambasadën tonë të Egjiptit, dhe sapo të pajisen me lejekalimin, do të jenë në Shqipëri në ditët në vazhdim.
Mësohet se futbollistët janë cilësorë dhe pritet të bëjnë diferencën. Halili shpreson që të paktën njëri prej tre lojtarëve të jetë njëlloj si Mervejl apo Kobina, lojtarë që kanë sjellë të ardhura apo pritet të sjellin të ardhura me transferimin në skuadra të tjera të huaja. Tirana është një nga skuadrat që gjithmonë është bazuar te tregu afrikan dhe shpeshherë ka qëlluar në shenjë.