Samuel Kalu, lojtari i Bordeaux që u testua pozitiv me Covid-19 më 6 korrik, u kthye në stërvitje. Futbollisti nigerian, pas periudhës së izolimit dhe një kontrolli të ri, në testin e fundit doli negativ për koronavirusin dhe kështu ishte në gjendje të rifillojë stërvitjen.
22-vjeçari u kthye në fushë pas pesë muajsh. Në fakt ishte një kohë e gjatë në Nigeri, në pamundësi për të lënë vendin për shkak të mbylljes së kufijve.
Kur u kthye në Francë rezultoi menjëherë pozitiv dhe përfundoi në izolim të vetmuar në shtëpi. Tani makthi ka mbaruar dhe futbollisti i ri është rikthyer më në fund në fushë.