Lids Junajtid ka nënshkruar me Rodrigon nga Valencia për një shifër rekord për klubin prej 29 milionë eurosh. Sulmuesi ka firmosur një kontratë 4-vjeçare me ekipin e drejtuar nga Marselo Bielsa që u rikthyen në Premier Ligë pas 16 vitesh mungesë.
Rodrigo ka shënuar 59 gola në 220 ndeshje me Valencian, ku ndihmoi klubin të fitonte Kupën e Mbretit në sezonin 2018-2019. Rekordi i mëparshëm i Lidsit ishte transferimi i ish-kapitenit të Anglisë, Rio Ferdinand nga Uest Hem në vitin 2000 që i kushtoi ekipit anglez 18 milionë euro.
