Real Madridi ka arritur marrëveshjen zyrtare me Sevillan për Oscar Rodriguez. Mesfushori do të transferohet te rivalët e “Los Blancos” pas eksperiencës 2-vjeçare te Leganes. Ai ishte i huazuar atje nga skuadra madrilene dhe tashmë kalon tek ekipi tjetër spanjoll.
“Real Madrid dhe Sevilla FC kanë arritur akordin për transferimin e lojtarit Óscar Rodríguez. Reali dëshiron të falenderojë Oscarin për dedikimin e tij, profesionalizmin dhe sjelljen shembullore që ka treguar në të gjithë sezonet që ishte pjesë e klubit tonë. I urojmë suksese në vazhdim”, – shkruajnë madrilenët.
Marrëveshja është arritur për 13.5 milion euro plus 1.5 bonuse. Rodriguez do të nënshkruajë për 5 vite te skuadra e Sevillas. Reali nga krahu tjetër do të përfitojë 25% nga shitja e ardhshme e lojtarit.
