Interi raportohet se ka arritur marrëveshje me Arturo Vidalin, me këtë të fundit që po punon që të largohet si lojtar i lirë nga Barcelona. Agjentët e kilianit po përpiqen të përfundojnë kontratën me katalanasit, ndërsa zikaltërit nuk duan të humbasin kohë.
“Gazzetta Dello Sport” pretendon se Vidal ka arritur marrëveshje personale me Interin, me mesfushorin që ka pranuar një kontratë dy vjeçare me zikaltërit me mundësi edhe për një vit tjetër. Gazeta italiane shkruan se kiliani do përfitojë 6 milionë euro në sezon.
