Sulmuesi i Milanit, Samu Castillejo ka dhënë një intervistë për “DAZN” para ndeshjes në Europa Ligë. Kastijeho ka folur për trajnerin dhe sigurisht Zlatan Ibrahimoviç.
“Trajneri na ka thënë që në ditën e parë se do përballemi më një kundërshtar mjaft të fortë. Janë më të fortët e Irlandës dhe luajnë një futboll shumë të bukur. Mbaj mend pas ndeshjes me Kaljarit, Pioli më tha disa fjalë të bukura, se priste me padurim të më jepte një mundësi tjetër. Ai qëndron pranë lojtarëve. Edhe kur je me pushimë të shkruan, të pyet si je. Ibrahimoviç flet shumë. Milani ka nevojë shumë për Ibrën dhe besoj se këtë vit do na ndihmojë shumë.
Me atë nuk mund të gabosh. Nëse gabon në stërvitje, ke Ibrën mbrapa. Nëse gabon një pasim, një lëvizje ke Ibrën dhe trajnerin mbrapa”.
