Luis Suarez ka debutuar me fitore tek Atletiko Madrid, pasi këta të fundit fituan thellë në shtëpi 6-1 ndaj Granadës. Pjesa e parë përfundoi me avantazhin minimal të Atletikos falë golit të Kostës që në minutën e 9-të, edhe pse Saul në minutën e 16-të kishte mundësinë të dyfishonte rezultatin por gaboi nga penalltia.
Në fraksionin e dytë të lojës, Atletiko shënoi edhe pesë herë të tjera. Korrea shënoi në minutën e 46-të pas asistimit të Feliksit. Më pas në minutën e 65-të ishte rradha e potugezit të shënonte vetë. Në minutën e 70-të Suarez u fut në lojë duke bërë kështu debutimin me skuadrën e re. Menjëherë uruguajani la shënjën e tij, pasi asistoi në fillim për Lorenten që shënoi golin e katërt.
Por Lorente i’a ktheu nderin, pasi ishte ai që asistoi për Suarezin që gjeti golin në debutim në minutën e 86-të. Granada shënoi golin e nderit një minutë më vonë me anë të Molinës. Por Suarez nuk e kishte thënë fjalën e fundit, pasi në fundin e takimit shënoi dhe golin e dytë personal dhe të 6 për Atletikon.
