Ku do të luajë Messi sezonin e ardhshëm? Dhe mbi të gjitha, cila shifër do të duhet të paguhet nga klubi që mund ta blejë?
Pyetje shumë të nxehta në këto javë të merkatos, të cilave është munduar t’u japë një përgjigje The Telegraph.
Nga sa mësohet nga e përditshmja angleze, sulmuesi i Barcelona-s mund të largohet nga skuadra për një shifër shumë e ulët në krahasim me 700 milionë eurot e klauzolës për prishjen e parakohshme të kontratës.
Flitet për rreth 100 milionë euro (88.8 milionë sterlina).
The Telegraph, që i është referuar një burimi afër situatës së Messi-t, ka informuar se ekziston një mundësi që klubi katalanas ta lërë të largohet kapitenin për një shifër më të ulët, pak a shumë siç ka ndodhur me Cristiano Ronaldo-n te Real Madrid.
Pleshti ka kaluar të gjithë karrierën e tij te Barcelona, por ka vendosur të provojë një aventurë të re. Palët, që po zhvillojnë një mundje krahu të ashpër, duket se po punojnë për të gjetur një formulë që t’i kënaqë të gjithë.
