Sandro Tonali është goditje e shkëlqyeshme e Milanit në merkato. Paolo Maldini dhe Frederik Massara u treguan të zotë në shfrytëzimin e vonesës së Interit dhe mbylljen e marrëveshjes brenda pak ditësh – gjithashtu falë dëshirës së lojtarit për të veshur kuqezi.
Merkato sapo ka filluar dhe do të jetë më shumë se një muaj, por sipas medieve italiane ditën e sotme, interesimi i kuqezinjve është për një tjetër objektiv të Interit: Marash Kumbulla!
Të gjithë e duan, asnjë nuk e ka blerë ende. Kjo për shkak të kërkesave të Veronas, që nuk lëshon pe!
Mbrojtësi shqiptar i lindur në vitin 2000 është sigurisht surpriza më e madhe e Veronas së Juric. Lojtari, gjithashtu i ndjekur nga Milan në muajt e fundit, në periudhën e fundit është shoqëruar kryesisht me zërat Lazio dhe Inter.
Kumbulla ka qenë në orbitën e dy ekipeve për javë të tëra por për momentin ofertat e paraqitura për Hellas nuk kanë bindur.
Aventura e Kumbulla në verdheblu duket se ka arritur në fund.
E vetmja pengesë lidhet me faktin se në Verona ai luajti me një mbrojtje me 3 (por e njëjta gjë vlen edhe për Milenkovic) dhe për këtë do të duhej një periudhë përshtatje te Milani i Stefano Pioli me 4-2-3-1.