Arturo Vidal dhe Antonio Conte po afrohen gjithnjë e më shumë. Mesfushori kilian, ndryshe nga Luis Suarez, ka hequr dorë nga paga e tij e fundit (rreth 6.5 milion euro) dhe është gati të fluturojë për në Milano në orët e ardhshme.
Çështja e detajeve – Tani vetëm hapat e fundit mungojnë për kthimin e ‘Mbretit Arturo’ në Serie A. Ishte vetë ish-lojtari i Juventusit që zbuti pozicionin e tij dje, duke zhbllokuar një negociatë që kishte zgjatur për javë të tëra.
Vidal dëshiron Inter dhe Inter dëshiron Vidal: “dasma” do të zhvillohet dhe nga sot çdo ditë mund të jetë e mira për ta parë përsëri në Itali.
Kompensimi i mundshëm – Me marrëveshjen në dorë midis Vidal dhe Barcelona, mbetet një dyshim i vetëm lidhur me dëmshpërblimin që Interi mund të paguajë për Blaugrana. Zikaltërit, për momentin, nuk duket se janë gati të ndryshojë pozicionin, ndërsa Barça ende shpreson që një shifër simbolike (rreth 1.5 milion euro) mund të mbërrijë nga Milano siç ndodhi me Ivan Rakitic nga Sevilla.
