Një ndeshje tejet e veçantë do të jetë ajo mes Republikës së Çekisë dhe Skocisë për Ligën e Kombeve.
Çekia u prek nga Koronavirusi, teksa dy futbollistëve Patrik Shik dhe Tomas Suçek, së fundmi janë zbuluar edhe dy raste të tjera me virus në këtë kombëtare. Pikërisht për këtë arsye, Çekia kërkoi shtyrjen e ndeshjes, për tu luajtur në një datë tjetër, por kjo kërkesë nuk është miratuar nga UEFA.
Për të dalë nga situata dhe për të mos e humbur ndeshjen në tavolinë, Çekia ka gjetur një mënyrë të veçantë për ta luajtur ndeshjen. Çekët kanë improvizuar një ekip tjetër që do të zbresë ditën e sotme në fushë. Ekipi do të drejtohet sot nga trajneri i përfaqësueses së 18-vjeçarëve.
Ky i fundit ka ftuar 23 lojtarë, të cilët nuk kanë luajtur asnjëherë me kombëtaren e parë. Kapiten i skuadrës do të jetë Roman Hubnik. 36 vjeç, i cili për herë të fundit ka luajtur me ekipin në Europianin e Francës dhe pas përfundimit të turneut njoftoi tërheqjen.
