Ish-kapiteni i Kukësit, Besar Musolli, debutoi ditën e sotme me skuadrën e Gjilanit në sfidën ndaj Llapit. Mesfushori u hodh nga stoli, edhe pse nuk ishte stërvitur asnjëherë me ekipin e tij të ri. Lajmi u konfirmua nga trajneri Gentjan Mezani, i cili në prononcimin pas ndeshjes me Llapin, foli në lidhje me aktivizimin e Musollit duke deklaruar:
“Musolli ka luajtur pa asnjë stërvitje. Ai ka ardhur sot direkt në ndeshje. Mendoj që është një futbollist që do ta rritë cilësinë e futbollit kosovar. Edhe neve sigurisht që do të na ndihmojë shumë”, ka thënë Mezani.
