Situata e Ivan Perisic është akoma e paqartë.
Distanca mes asaj që ofron Bayern Munich dhe asaj që kërkon Inter-i është arsyeja kryesore pse operacioni është bllokuar. Trajneri Flick i ka kërkuar klubit që kroati të qëndrojë në Mynih.
Marrëveshja mes palëve është e mundur, por jo shumë afër. Sipas Tages Zeitung ekziston një aspekt që shqetëson drejtuesit e Bayern-it:
“Deri tani pagesa e rrogës së Perisic është ndarë mes klubit gjerman dhe atij italian. Në rast se kroati do të transferohet përfundimisht te Bayern, rroga e tij do të paguhej e gjitha nga klubi bavarez”.
“Dyshimi ka të bëjë me ndeshjet që lojtari do të luajë sezonin e ardhshëm në krahasim me rrogën (e lartë) që merr. Çështja është akoma e hapur”.
“Fakti që Bayern-i nuk është ndarë akoma me Perisic-in tregon se futbollisti ka shumë mundësi të qëndrojë te klubi me të cilin ka fituar Triplete-n”, lexohet në Tages Zeitung.
