Barcelona ka refuzuar një ofertë prej 150 milionë eurosh për Ansu Fatin. Oferta ishte 125 milionë euro për transferimin dhe 25 milionë euro të tjera në formë bonusesh.
Sipas asaj që raporton “Marca”, Barcelona ka refuzuar menjëherë dhe nuk pranuar të futet në negociata. Emri i klubit që ka bërë ofertën stratosferike për Fatin nuk bëhet i ditur, por mediat në Angli raportojnë se Mançester Junajtid ka qenë ekipi më i interesuar për 17-vjeçarin.
Së fundmi Barcelona e bëri Ansu Fatin pjesë zyrtare të skuadrës së parë, me klauzolën e largimit që u rrit nga 170 milionë euro në 400 milionë euro.
