E mbani mend Vinsent Atingën. Lojtari që më parë ka luajtur me Tiranën e pas bardheluve me Al Qadsia e Al-Shababin, thotë se kudo ku ka qenë ka vuajtur prej paragjykimeve raciale. Sipas tij, kudo e kanë quajtur majmun, por lojtari nuk ua ka vënë veshin këtyre fjalëve, por është fokusuar te rroga dhe puna për të mbajtur familjen.
“Kam vuajtur shumë abuzime raciale gjatë karrierës sime si sportist. Me qëllim lojtarët më thoshin majmun, por nuk e kam çarë kokën. Fokusi im ishte rroga dhe çfarë do të çoja në shtëpi”, është shprehur Vincent Atinga për “Akoma FM”.
Mbrojtësi ka luajtur për një sezon në skuadrën bardheblu, por u largua si i padobishëm prej Ardian Memës në fund të dy sezoneve më parë.
