Ministri i sportit, Vinçenzo Spadafora ka konfirmuar se stadiumet në Itali do hapen për publikun, ku maksimumi që do lejohen do jenë 1000 spektatorë. Spadafora e ka konfirmuar vendimin pas konsultimit me komitetin teknik dhe shkencor.
“Në orët e ardhshme vendimi do jetë zyrtar, por unë dua të falenderoj Ministrin Speranza për bashkëpunimin. 1000 tifozë do lejohen në stadium. Sigurisht hapja e stadiumeve do bëhet duke respektuar masat e nevojshme, si distancimi social dhe maskat.
Hapi i parë drejt rikthimit në normalitet” ka thënë Spadafora sipas gazetarit italian, Alfredo Pedulla.
