Sfida e djeshme e raundit të 1/16-ave të Kupës së Anglisë Totenhem-Çelsi ka tërhequr vëmendjen e mediave të huaja për një moment krejtësisht të çuditshëm. Trajneri i “Spërsave” Hoze Murinjo ndoqi pas lojtarin e tij Erik Dajer, i cili u larguar befas nga fusha për të shkuar në tualet.
Duket se nevojat personale e shtrënguan futbollistin anglez për të lënë në mes për pak momente ndeshjen delikate. Por, ajo çfarë ka habitur akoma më shumë është reagimi i “Special One”, i cili në momentin kur Dajer niset drejt tualetit (15 minuta nga fundi i kohës së rregullt) e ndjek nga pas për ta detyruar të kthehet në fushë.
Më pas, takimi përfundoi me fitoren e Totenhemit me anë të penalltive (5-4).
Pavarësisht fitores së vuajtur ndaj rivalëvë “Blu”, sjellja e Murinjos dhe Dajerit ka tërhequr më shumë vëmendjen e mediave dhe publikut.
Eric Dier leaves the field to go to the toilet and Chelsea almost score. Jose Mourinho livid runs into the dressing room to get him back out onto the pitch#TOTCHE pic.twitter.com/iqicwXo6gV
— ADEMola 🅨 (@AdemolaVictor) September 29, 2020
