Raxha Naingolan përshëndeti Kaljarin, edhe pse të gjithë në Sardenjë shpresojnë që të jetë vetëm një “mirupafshim”. Klubi sard nuk ka asnjë synim të blejë përfundimisht lojtarin dhe po shpreson në një tjetër huazim, meqenëse zikaltrit për të evituar humbje në bilanc kërkojnë së paku 19 milionë euro për kartonin, ndërsa vetë lojtari si pagë 4,5 milionë në sezon.
Në pritje për të mësuar se kur mund të rikthehet në Kaljari, Naingolan ka bërë edhe një batutë lidhur me transferimin e mundshëm të Lionel Mesit tek Interi: “Nuk i njoh dinamikat e situatës sepse nuk lexoj asnjëherë, por në fund do të qëndrojë te Barcelona. Bashkë shokë skuadre tek Interi? Jo, nuk dua të luaj me të, është shumë i fortë (qesh)”.
