Ansu Fati ka shkruar emrin e tij në histori të kombëtares së Spanjës, me një gol të shënuar ditën e djeshme në ndeshjen ndaj Ukrainës në Ligën e Kombeve.
Talenti i Barcelonës shënoi në minutën e 32-të, teksa pasi bën një lëvizje të bukur lëshon një prehdë nga jashtë zone dhe e dërgon topin në fundin e rrjetës. Me këtë gol, Fati futet në historinë e Spanjës, pasi bëhet lojtari më i ri në histori, vetëm 17 vjeç, që shënon për këtë kombëtare.
Gëzimi për këtë te talenti 17-vjeçar ishte shumë i madh, por akoma edhe më i madh duket se ka qenë te familjarët e tjerë të tij. Në një video të publikuar nga të afërmit e tij, shihen familjarët të cilët shpërthejnë në një festë të çmendur pasi Fati shënon golin historik, i cili do të mbetet në mendjen e tij shumë gjatë.