Albi Doka ka fituar “derbin” ndaj shqiptarëve të Lokomotivës së Zagrebit, me Goricën që ka fituar me rezultatin 2-1.
Ndeshja nisi me 4 shqiptarë në fushë, ku Doka kishte përballë Indrit Tucin, Enis Çokajn dhe Jon Mersinajn, ndërsa Sherif Kallaku e nis ndeshjen nga stoli.
Pjesa e parë u mbyll me avantazhin e Goricës, falë golit të Lovriç në minutën e 32’. Pjesa e dytë nisi me Lokomotivën në sulm, ku kishte disa raste shënimi. Kur të gjithë po prisnin golin e vendasve, madje në minutën e 77-të u aktivizua edhe Kallaku, por ishin miqtë e Gorcës që gjetën golin, ku përsëri Lovriç dyfishoi shifrat në minutën e 85’.
Karaçiç gjeti golin për Lokomotivën në minutën e 89’, por kjo nuk mjaftoi për të marrë të paktën një pikë. Gorica dhe Albi Doka kanë regjistruar fitoren e 4-t radhazi në po kaq ndeshje dhe kryesojnë kampionatin me Dinamon e Zagrebit. Lokomotiva e Zagrebit pas 4 ndeshjeve kanë grumbulluar vetëm 4 pikë, ku deri tani kanë regjistruar dy barazime, një humbje dhe një fitore.