Lacio është hedhur sërish në sulm për të marrë Marash Kumbullën. Sipas mediave italiane, pasi Interi është tërhequr nga gara për të blerë mbrojtësin shqiptar, bardhekaltërit i kanë paraqitur Veronës ofertën 20 milionë euro plus kartonin e futbollistit Andre Anderson.
“Corriere dello Sport” bën me dije se propozimi i Lacios ka mbërritur në adresën e verdhebluve të Veronës para disa javësh.
Drejtori sportiv i Lacios Igli Tare u shpreh para disa kohësh se klubi kryeqytetas nuk do të interesohej më për Kumbullën, por stepja e Interit duket se i ka rikthyer sërish në garë bardhekaltërit.
