Jahmir Hyka ndryshoi ekip në merkaton e verës, duke u larguar nga izraelitët e Nes Niona për të kaluar te skuadra kineze e Guizhu Ziçeng.
Pikërisht aventura te këta të fundit ka nisur shumë mirë për mesfushorin shqiptar, i cili ditën e djeshme dha asist në fitoren 3-1 të skuadrës së tij ndaj Jiangxi Liansheng.
Në minutën e 82’, Hyka dha një asist perfekt për Hiroshi, me këtë të fundit që futet bukur në zonë dhe e dërgon topin në rrjetë.
Duket se ndryshimi i skuadrës i ka bërë mirë 32-vjeçarit, i cili shpreson të rikthehet përsëri te forma e shkëlqyer që kishte dikur.