Kalimi i Luis Suarezit tek Juventusi është vështirësuar shumë për të mos thënë nuk do ndodhë fare, dhe kështu Atletiko Madrid dhe PSG kanë hyrë në garë pë shërbimet e sulmuesit. Sipas “AS”, uruguajani tashmë ka tre mundësi për të ardhmen e tij.
Suarez mund të qëndrojë tek Barcelona, të kalojë tek Atletiko Madridi ose të transferohet tek PSG. Diego Simeone i ka hapur derën uruguajanit për t’ju bashkuar në Madrid, kurse PSG është gati ta ribashkojë sulmuesin me Nejmarin.
“AS” raporton se Suarez nuk është i lumtur me trajtimin që i është bërë nga Barcelona, por gjithsesi nuk dëshiron të heqë dorë nga rroga për vitin e tij të fundit në kontratë.
