Trajneri i Tottenham, Jose Mourinho, ka folur për të ardhmen e Dele Alli në konferencën për shtyp të zhvilluar në prag të sfidës së Europa League kundër maqedonasve të Shkëndijës.
“Do të ketë mundësi të luajë, është e rëndësishme për të që të zbresë në fushë. Kur një skuadër bëhet më e fortë, lojtarët duhet të përgjigjen në fushë me paraqitjet e tyre”, ka thënë portugezi.
“Nuk jam i lodhur me të, është një djalosh fantastik, por jam i lodhur nga pyetjet për të. mendoj se 99% e përgjegjësisë në lidhje me rendimentin është e lojtarit. Pjesa tjetër, e imja dhe e stafit tim”.
