Teksa i mungon praktika, në teori Pirlo vazhdon të shkelqejë. Pak ditë më parë ai u diplomua si trajner në kursin e Koverçanos, që është i vlefshëm për licencën e trajnimit “UEFA Pro”.
Teza prej 30 faqesh e paraqitur nga trajneri aktual i Juventusit me titull “Futbolli im” mori një rezultat prej 107 pikësh nga 110 të mundshme. Në historinë e kursit në fjalë, më mirë se ai ka bërë vetëm ish-trajneri i Xhenoas, Tiago Mota, i cili tri vite më parë u vlerësua me 108 pikë.
Rezultati i arritur të hënën, gjithsesi, e bën 42-vjeçarin të ndihet mirë pasi është tashmë në “histori” me notën e dytë më të mirë të arritur për këtë nivel të patentave për të drejtuar ekipe futbolli.
