Sulmuesi shqiptar, Rei Manaj është i gatshëm të largohet nga Barcelona pasi nuk është i kënaqur me minutazhin që i është ofruar deri më tani te klubi spanjoll.
Sipas “Esports Cope”, lojtari dëshiron të gjejë një ekip në La Liga2 që të pretendojë ringritjen në La Liga. Kujtojmë që Manaj ka një klauzolë aktuale me Barcelonën 50 milionë euro. Kontrata e tij me Barcelonën skadon në verën e vitit 2023.
Sulmuesi 23-vjeçar shpresonte të debutonte me ekipin e parë të Barcelonës, por kjo për fat të keq nuk u arrit, teksa trajneri i sezonit të kaluar, Kike Setien e grumbulloi disa herë, por nuk ia dha asnjëherë mundësinë për të luajtur përkrahë Mesit me shokë.