Milani ka filluar punën vrullshëm në merkato, teksa po punohet për përforcimin e skuadrës për sezonin e ri.
Pasi mbyllën marrëveshjen me Brahim Diaz nga Real Madrid dhe Sandro Tonali nga Bresha, kuqezinjtë po punojnë edhe për afrimin e një mesfushori tjetër. Milani interesohet për një rikthim të Bakajokos në “San Siro” dhe bisedimet janë në fazë të avancuar, por tashmë po punohet edhe për afrimin e një mesfushori tjetër.
Bëhet fjalë për yllin e Benfikës, Florentino Luis. Ky i fundit pëlqehet shumë nga kuqezinjtë, të cilët duan ta afrojnë në ekipin e tyre. Madje “Calciomercato” raporton ditën e sotme se ka pasur një takim mes agjentit të futbollistit dhe Maldinit, me këtë të fundit që dëshiron ta marrë portugezin në Milano.
