Një video-mesazh bën mrekulli.
Këtë e ka bërë sigurisht video-mesazhi i Francesco Totti-t për Ilenia-n, lojtare e Lazio-s, në koma për nëntë muaj pas një aksidenti rrugor.
Futbolliste e Lazio-s, por tifoze e madhe e Roma-s.
Prindërit e Ilenia-s e kanë bërë të dëgjojë himnin e verdhekuqve gjatë muajve të kaluara në koma, më pas, falë ndihmës së Shoqatës Argos Forcat e Policisë, të doktorit Maritato dhe trajnerit Carlo Cancellieri, kanë arritur të marrin një video nga Francesco Totti.
Dhe nga ajo ditë diçka ka ndryshuar.
“Ilenia mos u dorëzo, do t’ia dalësh, jemi të gjithë me ty”. Zëri i Totti-t ka bërë të ndizet një shkëndijë brenda, rrahjet e zemrës janë rritur me zërin e ish-kapitenit dhe më pas ka ardhur zgjimi gradual.
Zëri i Totti-t ka qenë një stimul i madh për Ilenia-n e re dhe tani ajo kërkon të ketë mundësinë ta takojë dhe ta falënderojë personalisht.
“I dashur Francesco të presim? Të presim me padurim, Ilenia po të pret, – ka qenë mesazhi i prindërve. – Zëri yt fantastik, bashkë me pasionin, dashurin që Ilenia ka patur gjithmonë për Roma-n, kanë sjellë zgjimin e saj”.
