Ajaxi e nisi me fitore kampionatin holandez.
Kampionët në fuqi të Holandës kanë hequr dorë këtë merkato nga dy lojtarët më të mirë, Hakim Ziyech dhe Donnu Van de Beek. Sidoqoftë, ata e nisën mbarë duke fituar 1-0 në transfertë kundër Sparta Rotterdam.
Golin e vetëm të takimit e shënoi talenti brazilian Antony, i cili erdhi nga Sao Paolo si zëvendësuesi i Ziyech, për vetëm 15 milionë euro.
Në minutën e 37-të, 20-vjeçari i talentuar lëshoi një predhë me të majtën nga jashtë zone, duke mposhtur portierin vendas dhe duke i dhënë tre pikë të besuarve të Ten Hag.
