Partizani dhe skuadrat e tjera të futbollit shqiptar kanë ndër mend të diskutojnë ccështjen e ndryshimit të rregullores së futbollit shqiptar.
Gazetari i Supersport Sokol Xhihani bën me dije nga stadiumi “Selman Stërmasi”, ku do të zhvillohet ndeshja hapëse e javës së 17-ë midis Partizanit dhe Kukësit se ka mësuar se drejtuesit e klubit të kuq bashkë me skuadrat e tjera të kampionatit tonë do të kërkojnë një takim me Federatën Shqiptare të Futbollit për të shqyrtuar mundësinë e ndryshimit të rregullores së futbollit tonë duke nisur nga sezoni i ardhshëm.
Stadiumet e boshatisura për shkak të incidetenteve dhe vendimeve të ashpra të Komisionit të Disiplinës ka bërë që kampionati shqiptar i futbollit të ketë numrin më të madh të takimeve pa prezencën e tifozëve, një panoramë krejtësisht ndryshe nga vendet e rajonit.
