Si gjithmonë, në fund të fundit, do të jetë topi që do të tregojë nëse projekti që ka nisur Barcelona është fitues apo humbës.
Këtë nuk mund ta parashikojmë dot, por për momentin mund të themi që trajneri Ronald Kuman ka në dispozicion një grup lojtarësh të një niveli të lartë për të qenë kompetitivë në të gjitha kompeticionet, ku më 26 shtator do të debutojë në La Liga kundër Vijarealit.
Në mënyrë specifike, sulmi është një nga repartet me shumë opsione dhe një arsenal që mund të rezultojë i rëndësishëm në objektivin për të ringritur Barcelonën. Gjithçka nis me Leo Mesin. Antuan Grizman, Osman Dembele, Filipe Kutinjo, Ansu Fati, Françisko Trinçao dhe Pedri Gonzalez janë futbollistët që do të sjellin freski dhe gola.
Nuk duhet të harrojmë faktin që Barcelona është në sulm edhe për dy lojtarë të rëndësishëm si Memfis Depaj dhe Lautaro Martinez. Të dy do të jepnin një kontribut të madh për formacionin katalanas dhe për trajnerin Kuman.
LOJTARËT NË SULM
LIONEL MESI
ANTUAN GRIZMAN
OSMAN DEMBELE
ANSU FATI
FILIPE KUTINJO
FRANÇISKO TRINÇAO
PEDRI GONZALEZ
LAUTARO MARTINEZ (?)
MEMFIS DEPAJ (?)
