Diego Armando Maradona duhet të vazhdojë terapinë e kurimit psikologji. Mjeku psikoanalist Diego Diaz shprehet se ikona e futbollit botëror po rikuperohet gradualisht në një klinikë private në Argjentinë pas operacionit në kokë, ku hoqi hematoëm subdurale, një sasi gjaku e grumbulluar mes trurit dhe kafkës.
Për “Assoçiated Press”, Diaz shton se ish-kampioni i botës në vitin 1986 ka nevojë të ketë mbështetjen e familjes pas problemeve të shumta shëndetësore që ka kaluar gjatë viteve të fundit.
“Diego Maradona, në këto kushte që ndodhet, është një njeri i zakonshëm me kufizimet, vështirësitë dhe avantazhet që ka çdokush në këtë botë. Ai ka nevojë për mjekë, terapi dhe mbështetjen bazë të familjes. Gjëja më e rëndësishme sot është se ai është stabilizuar dhe po kontrollohet në aspektin farmakologjik, ushqimor dhe pushimit”, deklaroi psikologu Diego Diaz.