Një mesfushor i ri për Piolin. Drejtuesit e Milanit, pavarësisht blerjeve të fundit, vazhdojnë të mendojnë për përforcime te reja dhe nuk përjashtohet ndonjë goditje surprizë për ta “blinduar” mesin e fushës.
Tiemoue Bakayoko vazhdon të mbetet objektivi kryesor i kuqezinjve, por duke parë vështirësitë për të arritur një marrëveshje me Chelsea-n, klubi italian po shikon alternativa të tjera.
Florentino Luis i Benficas dhe Boubakary Soumare i Lille janë në listën e merkatos së kuqezinjve.
Sipas mediave italiane, klubi nga Milanello po vëzhgon nga afër një tjetër futbollist, që për momentin nuk dëshiron ta bëjë publik.