Uinful Kobina do të jetë shumë shpejt në Tiranë. Burime nga stafi bardheblu bëjnë me dije se nesër me shumë mundësi lojtari do të niset nga Afrika dhe do të jetë në Tiranë pas 15 ditësh pushime në shtëpi.
Lojtari udhëtoi drejt Ganës, sepse ishte bërë baba dhe klubi pas pandemisë mbylli një sy dhe e lejoi lojtarin të bënte një udhëtim kaq të gjatë.
Kujtojmë që Kobina është një nga lojtarët më të mirë të Tiranës, ndonëse pas pandemisë nuk është se ka dhënë ndonjë gjë të madhe. Ai madje humbi edhe një rast të madh për të shënuar një gol në sfidën që bardheblutë humbën me Zvezdën.
