Partizani ka risjellë në skuadër Alesio Hysenin. Mesfushori i është bashkuar skuadrës së Ilir Dajës ditën e sotme. Ai ka nisur përgatitjet me “demat” për sezonin e ri.
23-vjeçari u huazua në janar te skuadra e Klaksvikut në Ishujt Faroe. Pas përfundimit të huazimit, ai mbërriti në Shqipëri për të qenë në dispozicion të trajnerit Daja.
Megjithatë, pritet se çfarë do të vendosin drejtuesit e Partizanit për të ardhmen e Hysenit: nëse do të huazohet sërish apo do të jetë pjesë e grupit për Kategorinë Superiore.
