Futboll Sport

KATËR ISH-FUTBOLLISTË TË SKËNDERBEUT TITULLARË/ Prishtina dhuron spektakël në javën e parë të kampionatit

Prishtina ka fituar bindshëm në javën e parë të kampionatit, me rezultatin e pastër 3-0 ndaj Drenicës, në sfidën e zhvilluar në stadiumin “Fadil Vokrri”. Me afrimin në merkato të Sabjen Lilajt dhe Gledi Micit, skuadra kryeqytase, është bërë tepër e frikshme, duke mos e diskutuar për asnjë moment fitoren.

Bekteshi ishte njeriu që hapi serinë e golave në minutën e 31-të, pas asistit të Micit, duke kaluar në avantazh skuadrën e Ramadanit. Në startin e pjesës së dytë, bardheblutë dyfishuan shifrat me anë të Endrit Krasniqit, ndërkohë që për të vulosur gjithçka, mendoi ish-futbollisti i Skënderbeut, Oto Xhon, i cili pas asitit të Leonit Abazit nga mesi i fushës, realizoi një gol mjaft të bukur, duke ngritur shifrat në 3-0.

Vlen të theksohet fakti se te Prishtina, në sfidën e sotme, u aktivizuan nga minuta e parë plot 4 futbollistë që në të kaluarën kanë qenë pjesë e Skënderbeut, Mici, Lilaj, Abazi dhe Oto Xhon, si dhe 2 ishë të Partizanit, Haxho dhe Besnik Krasniqi.

Related posts

TITULL DHE EUROPË/ Superiorja luan…dy milionë euro

Delo.autor

E ARDHMJA NË UDHËKRYQ/ Italianët “mëshirojnë” AJETIN, duan t’i gjejnë ekip me…

Isa.Autor

BRESCIA-JUVENTUS/ Dybala “i vodhi” goditjen e dënimit, Pjanic realizon fluturimthi (VIDEO)

Delo.autor

Leave a Comment