Vedat Muriqi mund të ribashkohet së shpejti me skuadrën e tij të re, Lazion.
Mediat në Kosovë raportojnë se sulmuesi i bardhekaltërve ka rezultuar negativ në testin e sotshëm për COVID-19.
Futbollisti 26-vjeçar do t’i nënshtrohet një testi të dytë në mbrëmje dhe nëse përgjigjja e analizave konfirmohet negative, atëherë që nesër ai mund t’i bashkohet Lazios në stërvitje.
Pak ditë pasi u prezantua tek ekipi i ri, Muriqi u konfirmua si i infektuar me Koronavirus.
Megjithatë, debutimi i tij me Lazion duket se do të vijë në muajin tetor, kur të kenë përfunduar ndeshjet e Kosovës në Ligën e Kombeve.
