Crvena Zvezda, skuadra që eliminoi Tiranën në turin e dytë të Ligës së Kampionëve, ka zyrtarizuar ditën e sotme një goditje të bujshme në merkato. Bëhet fjalë për sulmuesin italian Diego Falçineli, i cili vjen si u huazuar nga skuadra e Bolonjës, me rekomandim të trajnerit serb Sinisha Mihajloviç.
Një dhuratë kjo për patriotin Dejan Stankoviç. I veçantë është fakti se prezantimi i 29-vjeçari është bërë në mënyrë spektakolare, në versionin e filmit të famshëm “La Casa del Papel”.
Lojtari largohet i maskuar nga ambasada italiane, ku një vajzë po e pret në makinë. Ata vijnë së bashku në stadiumin “Rajko Mitic”, teksa sulmuesi merr fanellën dhe futet në dhomën e zhveshjes ku hedh maskën. Italiani sezonin e shkuar ishte pjesë e Peruxhias në Serinë B, ku u aktivizua 25 takime dhe realizoi 3 gola.
Vlen të theksohet fakti, se Tirana dhe Crvena Zvezda mund të përballen sërish së bashku në “play-off”-in e Ligës së Europës, në rast se skuadra serbe dështon ndaj Omonias.
Insieme 🇷🇸🇮🇹
Gepostet von FK Crvena zvezda am Donnerstag, 10. September 2020