Revolucioni në shtëpinë e Barcelona-s ka filluar.
Koeman është bërë trajneri i ri katalanasve dhe shumë yje të ekipit, mes të cilëve Messi, Suarez dhe Vidal, mund të largohen.
Një ndryshim i vërtetë që vjen edhe nga rregulla të reja. Ose më mirë, nga kthimi i zakoneve të vjetra që kanë filluar me Pep Guardiola.
Siç ka shkruar Sport, në fakt, trajneri i ri ka vendosur të kthejë një zakon të vjetër për lojtarët.
Nga sa mësohet, trajneri i ri i Barcelona-s ka kthyer rregullin që ekzistonte gjatë kohës së Pep Guardiola-s që gjithë lojtarët e klubit duhet të shkojnë në qendrën stërvitore një orë para fillimit të seancës.
Ky rregull është vendosur për herë të parë pikërisht nga Guardiola kur ishte trajner i Barcelona-s, por pasardhësit e tij nuk e kanë respektuar më.
Tani, Koeman ka vendosur të jetë më i ashpër për t’i dhënë një disiplinë më të mirë lojtarëve.
